بنت الشهيد… كتب: شريف البيطار بقلمه

بنت الشهيد…      كتب: شريف البيطار بقلمه



الرصاص عميشرد بدربوا رماد
يا ليل قرب دينتك وسماع
تحت العلم عميلعبوا الأولاد
والريح عمبتغير حدود الضياع
وبنت الشهيد حزينة بهالأعياد
كرجوا دموعا من عينيها الوساع
خايفة ما تلبس التياب الجداد
صارت تصرخ يا بيي رجاع
شتقتلك أنا وينك بأي بلاد
يا غيم صلي عالجبل وركاع
عيونك يا بيي صاروا عني بعاد
بخاف تطلع هالسما زغيري
وما تعود كل الشهدا تساع
نزال لعندي بالعيد بكفي حداد
سمعها الله بعتلا بصوت ملاك
يا بنتي بحبك شايفك من فوق
فرحي بالعيد لعبي مع الأولاد
ضحكي من ضحكتك بضحك
الشهادة شرف وبتخلق الأمجاد

شاعر الفصول الأربعة من لبنان



التعليقات
الرجاء من السادة القراء ومتصفحي موقعنا الإلكتروني، الالتزام بالحوار البناء وآداب وقواعد النقاش عند كتابة الردود و التعليقات. وتجنب استعمال الكلمات النابية أو الحاطة للكرامة الإنسانية، فكيفما كان الخلاف في الرأي يجب أن يسود الاحترام بين الجميع... مع كل الإحترام والتقدير إليكم من إدارة موقع منارة الشرق للثقافة والإعلام.